مَصرْ أَهَمْ !!!

بعد العمر دا كله ماعدى
وعشت سنيني
جاي دلوقتي أفكر تاني
مين يحميني
لما الشعب يخاف وف بيته
ويقول نَفْسِي وهَمْيِ كافيني
وينسي الأرض المزروع فيها
وينسي معاها وطني وديني

.......................

بعد ماقامت الثورة فِرحنا
وعشنا فى وسط ميدان و ارتحنا
ونسينا جار للشر دبحنا
قاعدين بس نشوف فى محاكمة
ونقول جيشنا لازم يصالحنا
يوم ورا يوم مطالب ونَْعبِي
ونقول يالا شوف مصالحنا

.........................

يفضل جيشنا جوة بلدنا
وبني صهيون انتهزوا الفرصة
وف ليلة واحدة فتحوا جروحنا
شوفوا كام دابحين في ولادنا
إوعى تقول كان بينا عهود
من غير قوة ينسوا عهودنا
مِ الأيام لازم نتعلم
واقفين زي تتار لحدودنا
يدخلوا سينا ياخدوا الرملة
وياخدوا الزرعة
يهدوا المدنة

..............................

و احنا هنا نايمين في ميدان
يبقى هتصحى
وللا أحكي كمان
خد لك حكمة من القرآن
يا للا كفاية
إحنا بجيشنا نعيش في أمان
الجيش يحمي مصر الغالية
وإحنا إيدينا في إيدين بعض
إيد واحدة ..
إشهد يا زمان

............................

خللي شعارنا
مصر أهم ...
مصر أهم ...
مصر أهم ...
مصر دايماً شايله الهم
بلدك - وطنك
بيها إهتم
إسمع .. إقرا
فكر ... قرر
شوف مين اللي يعيش أكتر
.... طبعا مصر
إوعي تقول
أنا نفسي وبس
قوم إستغفر ....
مصر حبيبتك
أرضك .. عرضك
وطنك عايش أبد الدهر
بالحرية وبالوطنية
تِعْلَىَ معاك من نصر لنصر
وتعيش مصر
وتعيش مصر

-------
شعر د هاني أبوالفتوح
الكويت – الجمعة 19 رمضان 1432 هجرية - 19 أغسطس 2011 م
( كتبت في فجر يوم إعتداء الجيش الصهيوني على الحدود المصرية وإعترافه بقتل مصريين عسكريين ومدنيين بدم بارد ألا لعنة الله عليهم إلى يوم الدين )