طال انتظارنا ليك
مع قرار حبسهم
ملايين بتشكر فيك
طالع عليناجنابه
ظابط كلامه وشيك
كأنه جايب لنا
حمام ومحشي فريك
***
شهور وعدت بنا
وكل يوم نستني
إمتي جنابه يطب
ويسيب قصور الجنة
ويشرف عنابر طرة
ويعيش شوية مكاننا
قرص الناموس يروشه
وكفاية حتي الزنه
***
متزعلش منا يا ريس
هتلاقي باقي الشلة
صفوت و عزمي و جيمي
وكمان فيه واحد فله
عز بجلالة قدره
وخمورجي شارب حله
وسرور دا زي العسل
في جلسته تتسلي
جلساته كانت نكت
إرفع إيديك يلَّه
***
يا ما حبست البشر
إدخل معاهم شوف
بياكلوا فول بالحصي
كما بياكلوا خروف
و حا جات كده تقرفك
إظلط يا عم وزوف
لا طيارات تخدمك
ولا أكل جاي ملفوف
حاجة من ظلمك لنا
ما تدوق يا خي وشوف
بإيه يفيد الندم
تلطم وشوش بكفوف
تعليق على مقال