والأمل ف القلب مات
شعبنا نازلين غريق
والحاجات تغلا بثبات
والفلوس قيمتها نازلة
والفقير خش ف دوخات
شكلنا هنصوم دهورنا
والأمور صابها إنفلات
والجياع ثورتها جاية
نار ونايمة من سكات
وإقتصاد عمال يفرفر
باقي يوم يمكن ساعات
والوزارة هتعمل إيه؟
واللي عبي فلوس وفات
واللي رص الطوب عماير
ساكنة فيها الخفاشات
والمصانع رايحة تقفل
و\"صين\" بترمي المنتجات
لو بتسأل برضه عني
هيقولولك كان ومات
الطريق ضلمة ومضلم
وف إيدينا الكشافات
بالعرق والجهد نبني
والعمل قبل الفوات
تعليق على مقال