سامح لطف الله - مصر
من كتـــــّاب موقع بوّابــتي المشاهدات: 5096
يسمح بالنقل، بشرط ذكر موقع "بوابتي" مصدر المقال، ويفضّل أن يكون ذلك في شكل رابط
نفسك تبقى ملياردير
تعد فلوسك عد أمير
تاكل صبحك كيلو كافيار
تتعشى ف ليلك زى وزير
يلَّه تعالى إتجنس مصرى
الأموال هتجيلك حصرى
هبرة كبيرة راجعة يا روحى
إدعى لربك يكمل نصرى
فرقة كبيرة وشيخ المنصر
مية متين والجايز أكتر
أصغر واحد سبعة تمانية
والحوت فيهم صفرين أكبر
أنا بتكلم قول مليار
يعنى أبو سبعة أكيد جبار
ضيف صفرين ما يهمك شىء
ويا مبارك راح تحتار
يعنى الواحد يقبض كام؟
قولى بسرعة أنا جالى زكام
هتشبرقنى بمية بباكو
ولا هعدى وأبقى تمام
لأ هتعدى وربك كارم
رزق السرقة كله مغانم
عزمى مدكن لُكة كبيرة
وعز خميرة تصحى النايم
أما شريف وسرور هيهى هيه
سوبر باشا وسوبر بيه
وعمو السالم ربك عالم
يورو دولار وبأبصر إيه
بسرعة وياللا اتجنس مصري
الأموال جيالك حصرى
هبرة كبيرة راجعة يا روحى
إدعى لربك يكمل نصرى
اضغط على الكلمات المفتاحية التالية، للإطلاع على المقالات الأخرى المتعلقة: